«Անտառային լանդշաֆտների վերականգնում»
«Անտառային լանդշաֆտների վերականգնում»
Հանդիպման ընթացքում տեղի է ունեցել պանելային քննարկում «Մարտահրավերների հաղթահարում` Հայաստանում անտառվերականգնման ծավալների ավելացման համար» թեմայով։ Պանելային քննարկմանը մասնակցել է Անտառային կոմիտեի նախագահ Վլադիմիր Կիրակոսյանը։
Փարիզի համաձայնագրի ներքո ՀՀ 2021-2030 թվականների ազգային մակարդակով սահմանված գործողությունները հաստատելու մասին Կառավարության 2021թ-ի ապրիլի 22-ի 610-Լ որոշմամբ սահմանված գործողությունների շրջանակներում Հայաստանը ստանձնել է պարտավորություն մինչև 2030 թվականը Հայաստանի անտառային ծածկույթը հասցնել 12,9 տոկոսի։
Անտառային կոմիտեի նախագահը, խոսելով համաձայնագրով ստանձնած պարտավորությունների մասին, ասել է, որ դրանց կատարումը հնարավոր է ապահովել համայնքների և պետական այլ մարմինների հետ սերտ համագործակցության արդյունքում, որը հնարավորություն կընձեռի համայնքային և մասնավոր անտառներ ստեղծելով ապահովել անտառային ծածկույթի ավելացումը։ Ներկա փուլում համայնքերի հետ բանակցությունների արդյունքում անտառապատման նպատակով հատկացվել է ավելի քան 5000 հեկտար հողատարածք։ Աշխատանքները կրում են ընթացիկ և շարունակական բնույթ։
Նա նշել է, որ ընթանում են բանակցություններ, որոշակի հողատարածքների նպատակային նշանակությունը և պատկանելիությունը փոխելու ուղղությամբ, որպեսզի ավելացվի անտառային ֆոնդը։
Կոմիտեի նախագահը կարևորել է հասարակական սեկտորի, միջազգային գործընկերների մասնակցությունը և նշել, որ ակնկալվում է նրանց հետ սերտ շարունակական գործակցություն։
Վերջին նորություններ
30.09.2024
30.09.2024
30.09.2024
24.12.2023
23.11.2023
14.11.2023
18.10.2023