Ամփոփվել է «Աղետների կառավարման կարողությունների զարգացման» թեմայով սեմինարը
Ամփոփվել է «Աղետների կառավարման կարողությունների զարգացման» թեմայով սեմինարը, որին մասնակցել են նաև ՇՄՆ էկոպարեկային ծառայության ներկայացուցիչները:
Սեմինարի նպատակն էր բարձրացնել մասնակիցների ու շահագրգիռ բոլոր կողմերի իրազեկվածության մակարդակը՝ աղետների տեսակների, դրանց հետևանքների գնահատման և ռիսկերի կառավարման հարցերում։
Դասընթացը կարևոր հարթակ էր՝ քննարկելու աղետների հետևանքով առաջացող վնասները մարդկային կյանքերի, շրջակա միջավայրի և տնտեսության համար, ինչպես նաև անդրադառնալու դրանց կանխարգելման և հետևանքների մեղմացման գործիքակազմին։ Սեմինարը կարևոր ու հատկանշական էր Էկոպարեկային ծառայության մասնագիտական ներուժի ամրապնդման գործընթացի համատեքստում։ Եռօրյա սեմինարի ընթացքում ծառայության աշխատակիցները համալրել են իրենց մասնագիտական գիտելիքներն ու հմտություններն աղետների կանխարգելման, ռիսկերի գնահատման, վտանգների վաղ հայտնաբերման և արագ արձագանքման ուղղություններով։
Սեմինարը նպաստեց ինչպես ինստիտուցիոնալ պատրաստվածության բարձրացմանը, այնպես էլ համագործակցության հարթությունների ընդլայնմանը՝ տեղական ինքնակառավարման մարմինների, համայնքների և արտակարգ իրավիճակների կանխարգելման ու արձագանքման ոլորտում գործող կառույցների հետ։
Ամփոփիչ օրվա ընթացքում մասնակիցները ոլորտային թեմաների շուրջ խորքային մասնագիտական քննարկումներ են ծավալել:
Պատկերասրահ
