Ապօրինի շինարարություն ««Սևան» ազգային պարկ»-ի տարածքի հանգստյան գոտիներից մեկում

ՇՄՆ էկոպարեկային ծառայության Կոտայքի և Գեղարքունիքի մարզային վարչության ««Սևան» ազգային պարկ» տեղամասի աշխատակիցների կողմից սույն թվականի հոկտեմբերի 17-ին ««Սևան» ազգային պարկ»-ի տարածքի հանգստյան գոտիներից մեկում արձանագրվել է, որ վարձակալներից մեկի կողմից իրականացվում է ապօրինի շինարարություն։

Մասնավորապես արդեն կառուցվել էր լողավազանի նմանվող 8 մ լայնության, 24 մ երկարության և 1,5 մ բարձրության բետոնյա շինություն։

Նշված փաստով նույն օրը կազմվել է համապատասխան արձանագրություն, ինչից հետո վարձակալը սեփական նախաձեռնությամբ ձեռնամուխ է եղել ապօրինի շինության ապամոնտաժման աշխատանքներին։

Արդյունքում սույն թվականի հոկտեմբերի 17-ից մինչև հոկտեմբերի 22-ն ընկած ժամանակահատվածում վարձակալի կողմից նշված շինությունն ամբողջությամբ ապամոնտաժվել է, շինաղբը հեռացվել է տարածքից։