Աշխատանքային այց Սյունիքի մարզ

ՇՄՆ էկոպարեկային ծառայության աշխատանքային խումբը, ծառայության ղեկավար Վլադիմիր Կիրակոսյանի գլխավորությամբ, եռօրյա աշխատանքային այցով մեկնելու է Սյունիքի մարզ։

Արդեն վաղն աշխատանքային խումբը կլինի Էկոպարեկային ծառայության Սյունիքի մարզային վարչությունում, որտեղից մեկնարկելու են քննարկումներն ու շրջայցերը:

Շրջայցերի ընթացքում, Վլադիմիր Կիրակոսյանի գլխավորությամբ, թիմը կայցելի հատուկ պահպանվող տարածքներ, կկատարի ստուգայցեր, կանցկացնի քննարկումներ տեղամասերի, համայնքների և տեղական ու միջազգային գործընկեր կառույցների հետ։

Կկազմակերպվեն կարևոր հանդիպումներ միջազգային գործընկեր կառույցների ներկայացուցիչների հետ։ Աշխատանքային այցի հիմնական նպատակն է գնահատել տարածաշրջանում իրականացվող ծրագրերի ընթացքը, բացահայտել նոր համագործակցային հնարավորությունները և խորացնել միջազգային աջակցությամբ ձևավորված գործընկերային հարթակները։

Գործուղման շրջանակում նախատեսվում են․

վերահսկողական այցեր տեղամասեր և հատուկ պահպանվող տարածքներ,

տարբեր ձևաչափերով հանդիպումներ Գերմանիայի և Շվեյցարիայի գործընկերների հետ, բնապահպանական խնդիրների վերհանում 24/7 ձևաչափով ծառայության շրջանակներում և համայնքների ներսում, քննարկումներ տեղական իշխանությունների ու գործընկերների հետ։

Շարունակեք հետևել մեր հրապարակումներին՝ գործուղման ընթացքում արձանագրված կարևոր պահերին և արդյունքներին ծանոթանալու համար։

Բնության հանդեպ հոգատարությունը սկսվում է այնտեղից, որտեղ մենք ներկա ենք լինում ոչ թե խոսքով, այլ՝ գործով։

Մեր թիմի առաջնային առաքելությունը մնում է նույնը՝ պահպանել անտառները, անտառային հողերը, բնության հատուկ պահպանվող տարածքները, կենսաբազմազանությունն ու էկոհամակարգերը։