Աշխատանքային քննարկում Տավուշի մարզային վարչության «Դիլիջան ազգային պարկ» տեղամասի անձնակազմի հետ
ՇՄՆ էկոպարեկային ծառայության պետ Վլադիմիր Կիրակոսյանի գլխավորած աշխատանքային խումբը Տավուշի մարզում է: Հագեցած աշխատանքային օրվա մեկնարկին Ծառայության պետ Վլադիմիր Կիրակոսյանը և պետի տեղակալ Մուրադ Նուրիջանյանն աշխատանքային քննարկում են անցկացրել Էկոպարեկային ծառայության Տավուշի մարզային վարչության «Դիլիջան ազգային պարկ» տեղամասի անձնակազմի հետ:
Ողջունելով ներկաներին՝ Կիրակոսյանը նշել է, որ նախաձեռնված հանդիպում-քննարկման շարժառիթը տեղամասի
աշխատակիցների կողմից իրենց աշխատանքային գործունեության ընթացքում գույքագրված խնդիրներին անձամբ տեղում ծանոթանալու, բնության հատուկ պահպանվող տարածքների և անտառների պահպանության գործում Ծառայության կողմից որդեգրված աշխատելաոճը և մոտեցումը ևս մեկ անգամ ներկայացնելու ցանկությունն է:
իրակոսյանը նաև ընդգծել է՝ պետք է քաջ գիտակցել Տավուշի մարզի դերն ու նշանակությունը, քանի որ Հայաստանի անտառածածկ տարածքների զգալի մասը գտնվում է հենց այս մարզում, ուստի կրկնապատկվում է պատասխանատվությունը՝ տվյալ տարածքի պահպանությունն առավել զգոն և հնարավորինս արդյունավետ իրականացնելու հարցում:
«Մենք ապագա սերունդներին առողջ բնություն և հարուստ կենսաբազմազանություն փոխանցելու կարևորագույն առաքելություն ունենք, պետք է բացառենք կոռուպցիայի ցանկացած դրսևորում, ապօրինություն, մենք չենք կարող հանդուրժել կոռուպցիայի որևէ դրսևորում, որը կարող է խաթարել Ծառայության պատշաճ գործունեությունը»,- նշել է Կիրակոսյանը:
«Էկոպարեկային ծառայության մասին» օրենքով էկոպարեկային ծառայողին վերապահված լիազորություններին պետք է քաջատեղյակ լինենք, ամեն օր աշխատենք մեր գիտելիքների կատարելագործման վրա, որպեսզի մեր կարևոր առաքելությունն ավելի վստահ անենք»,- ասել է Կիրակոսյանը: Նա նաև անդրադարձել է անտառամերձ բնակավայրերի բնակչությանը թափուկ վառելափայտի տրամադրման գործընթացին և Ծառայության կողմից իրականացվող հսկողությանը: Այս համատեքստում Կիրակոսյանը կարևորել է ազգաբնակչության հետ դինամիկ հաղորդակցումը և նրանց հետ ևս աշխատանք տանելու, իրազեկելու անհրաժեշտությունը։
Ամփոփելով խոսքը՝ Կիրակոսյանն ընդգծել է, որ պատրաստ է լսել յուրաքանչյուր աշխատակցի բարձրաձայնած խնդիրը, օգնել, սատարել, բայց միևնույն ժամանակ որևէ կերպ չի հանդուրժելու անպատասխանատու մոտեցումն աշխատանքին։
Հաջորդիվ հարց ու պատասխանի ձևաչափով ներկայացվել են աշխատանքային գործունեության ընթացքում գույքագրված խնդիրները, քննարկվել են հնարավոր լուծումները:
Պատկերասրահ
