Էկոպարեկային ծառայության աշխատակիցների ջանքերով դադարեցվել են ապօրինի շինարարական աշխատանքները
ՇՄՆ էկոպարեկային ծառայության Կոտայքի և Գեղարքունիքի մարզային վարչության աշխատակիցները սույն թվականի հուլիսի 15-ին Սևանա լճի առափնյա հատվածում իրականացրած շրջայցի ընթացքում նկատել են, որ մի խումբ անձինք իրականացնում են շինարարական աշխատանքներ։
Պարզվել է, որ աշխատանքներն իրականացվում են առանց քաղաքաշինական փաստաթղթերի, հետևաբար իրավախախտման փաստի առթիվ կազմվել է համապատասխան արձանագրություն, իսկ ինքնակամ շինարարություն կատարած անձը սեփական ուժերով քանդել է շինությունը։
Հարգելի քաղաքացիներ, հորդորում ենք զերծ մնալ հատուկ պահպանվող տարածքներում ինքնակամ շինարարություն կատարելուց։ Շրջակա միջավայրի պատշաճ պահպանության դեմ ուղղված ցանկացած գործողություն արժանանալու է օրենքով սահմանված պատասխանատվության:
Պատկերասրահ
