Էկոպարեկային ծառայության պետն աշխատանքային հանդիպում է ունեցել Արարատի մարզպետի հետ
ՀՀ շրջակա միջավայրի նախարարության էկոպարեկային ծառայության պետ Վլադիմիր Կիրակոսյանի գլխավորած աշխատանքային խմբի հաջորդ կանգառն Արարատի մարզն է:
Ծառայության ղեկավարը Արարատի մարզպետարանում աշխատանքային հանդիպում է ունեցել մարզպետ Սեդրակ Թևոնյանի հետ։
Կողմերը վերահաստատել են փոխադարձ համագործակցության ու գործընկերային հարաբերությունների ամրապնդման պատրաստակամությունը։
Վլադիմիր Կիրակոսյանը վստահություն է հայտնել, որ Արարատի և Վայոց ձորի մարզային վարչության լիարժեք համալրումն ու տեխնիկական վերազինումը հնարավորություն կտան առավել արդյունավետ իրականացնել անտառների և բնության հատուկ պահպանվող տարածքների պահպանության գործընթացները։ Կիրակոսյանի խոսքով՝ նախատեսվում է՝ հաջորդ՝ 2026 թվականի երկրորդ կիսամյակին պաշտոնական համալրման աշխատանքները մեկնարկել:
Այցի կարևոր բաղադրիչներից է դարձել նաև համագործակցության նոր գործիքների և մեխանիզմների մշակման ու զարգացման գործընթացը, որը միտված է մարզում ապահովել բնապահպանական հսկողության համակարգի առավել համակարգված, նպատակային և արդյունավետ գործունեություն։
Ընդգծվել է, որ ձեռնարկվող միջոցառումները պետք է նպաստեն հանրության հետ բաց ու շարունակական երկխոսության խորացմանը, տարածքային բնապահպանական խնդիրների լիարժեք գույքագրմանը և էկոլոգիական օրակարգի շուրջ հանրության իրազեկման ու պատասխանատվության մակարդակի բարձրացմանը։
Պատկերասրահ
