Հայտնաբերվել է առանց ձեռք բերման օրինականությունը հավաստող փաստաթղթերի տեղափոխվող փայտանյութ

ՇՄՆ էկոպարեկային ծառայության Կոտայքի և Գեղարքունիքի մարզային վարչության աշխատակիցները, ՆԳՆ ոստիկանության պարեկային ծառայության աշխատակիցների հետ համատեղ, 2025 թվականի նոյեմբերի 5-ին ժամը 06։30-ի սահմաններում Իջևան-Սևան-Երևան մայրուղու վրա ստուգման են ենթարկել Իջևանից Հրազդան ուղևորվող բեռնատար ավտոմեքենա, որի բեռնախցիկում հայտնաբերվել է առանց ձեռք բերման օրինականությունը հավաստող փաստաթղթերի տեղափոխվող փայտանյութ։

Ավտոմեքենան տեղափոխվել է համայնքային ոստիկանության տարածքային բաժին, կազմվել է համապատասխան արձանագրություն:

ՇՄՆ էկոպարեկային ծառայությունը տեղեկացնում է, որ ապօրինի ծառահատման և փայտանյութի ապօրինի տեղափոխման դեմ ուղղված միջոցառումները կրում են շարունակական բնույթ, իսկ իրավախախտ անձինք ենթարկվելու են պատասխանատվության օրենքի խստությամբ։