Հայտնաբերվել է հաճարենի և բոխի տեսակի փայտանյութով բեռնված մեքենա
ՇՄՆ էկոպարեկային ծառայության Կոտայքի և Գեղարքունիքի մարզային վարչության աշխատակիցները ՇՄՆ «Հայանտառ» ՊՈԱԿ-ի «Ճամբարակի անտառնտեսություն» մասնաճյուղի Գետիկի անտառպետության 6-րդ պահաբաժնին հարակից «Խաչեր» կոչվող տարածքում հայտնաբերել են «Ուազ» մակնիշի ավտոմեքենա, որը բեռնված է եղել հաճարենի և բոխի տեսակի փայտանյութով:
Մեքենայի վարորդը փայտանյութի օրինականությունը հավաստող փաստաթուղթ չի ներկայացրել և հայտարարել է, որ ինքն անձամբ է հատել 1-ական բոխի և հաճարենի տեսակի ծառեր, որոնք պետք է օգտագործեր որպես վառելափայտ:
Դեպքի առնչությամբ կազմվել է համապատասխան արձանագրություն:
Պատկերասրահ
