Կայացել է կենսաբազմազանության պահպանությանը միտված միջազգային գործընթացների վերաբերյալ քննարկում
Հուլիսի 31-ին շրջակա միջավայրի նախարարության Էկոպարեկային ծառայության ներկայացուցիչների մասնակցությամբ կայացավ մասնագիտական աշխատաժողով, որը միավորել էր բնության հատուկ պահպանվող տարածքների կառավարման ոլորտի պատասխանատուներին։ Քննարկման առանցքում էին կենսաբազմազանության պահպանությանը միտված միջազգային գործընթացները և դրանց կիրառելիությունը Հայաստանի բնապահպանական համակարգում։
Միջազգային փորձագետ Ալվինա Ավագյանը ներկայացրեց Կենսաբազմազանության կոնվենցիայի հիմնական ուղղությունները՝ բնական հարստությունների պահպանում, կայուն օգտագործում և գենետիկական ռեսուրսների համաբաժին բաշխում։
Հատուկ ուշադրություն դարձվեց Ռամսարի կոնվենցիային՝ խոնավ տարածքների պահպանության մասին, որի շրջանակում Հայաստանը ստանձնել է միջազգային պարտավորություններ։ Այս տարածքների պահպանության գործում առանցքային դեր ունեն Էկոպարեկային ծառայողները, ովքեր իրականացնում են մոնիթորինգ, արձագանք և իրավախախտումների կանխարգելում։
Վերլուծվեց նաև CITES կոնվենցիան՝ վայրի կենդանիների և բույսերի միջազգային առևտրի վերահսկման համաշխարհային մեխանիզմը, որն ուղղված է կենսաբազմազանության կորստի կանխմանը։
Մասնակիցները ծանոթացան նաև in situ (բնական միջավայրում) և ex situ (բնությունից դուրս) պահպանության մեթոդներին՝ որպես փոխլրացնող գործիքների։ Քննարկվեց տվյալների համաշխարհային հարթակների և գենետիկական ռեսուրսների կառավարման դերը՝ այս ամենը սերտորեն առնչվում է Էկոպարեկային ծառայության գործառույթներին։
Դասընթացը հնարավորություն տվեց վերլուծելու նաև ՀՀ կողմից վավերացված միջազգային կոնվենցիաների կիրառման մարտահրավերներն ու հնարավորությունները՝ ընդգծելով, որ Հայաստանը տարածաշրջանային մակարդակով ճանաչելի փորձ ունի, մասնավորապես՝ Ռամսարի ցանկում ընդգրկված տարածքների կառավարման ոլորտում։
ՀՀ ստանձնած միջազգային պարտավորությունների իրականացումը խթանում է նաև տեղում կատարվող համադրված աշխատանքը, որում Էկոպարեկային ծառայությունն ունի համակարգող և գործնական դերակատարում։
Կամ
Միջազգային պարտավորությունների իրականացումը հնարավոր է շնորհիվ տեղական մակարդակում ձևավորված կառուցակարգերի, որտեղ Էկոպարեկային ծառայությունը հանդես է գալիս որպես կայուն համագործակցության օղակ։
Պատկերասրահ
