Կայացել է ընդլայնված խորհրդակցություն-քննարկում
ՇՄՆ էկոպարեկային ծառայության պետ Վլադիմիր Կիրակոսյանն ընդլայնված խորհրդակցություն-քննարկում է անցկացնել՝ Ծառայության ղեկավար կազմի և կառուցվածքային ստորաբաժանումների պետերի մասնակցությամբ։
Քննարկման առանցքում Սևանա լճում արդյունագործական որսի իրականացման հսկողության արդյունավետության բարձրացմանը վերաբերող հարցեր էին։
Մասնավորապես՝ քննարկվել են մուտքի և ելքի 25 տեղամասերի կահավորմանը, դրանց հավասարաչափ ծանրաբեռնվածության մեխանիզմների մշակմանը և որսի իրականացման ժամային գրաֆիկի փոփոխության անհրաժեշտությանը վերաբերող հարցեր։
Բնակչությանը ևս մեկ անգամ իրազեկում ենք՝
Սևանա լճում ձկան և խեցգետնի արդյունագործական որսն արգելվում է իրականացնել Կառավարության կողմից սահմանված և պայմանագրի գործողության ժամկետներից դուրս ժամկետներում։
Ձկների արդյունագործական որսն իրականացնելու նպատակով արգելվում է.
Մուտքը Սևանա լիճ և ելքը լճից Հայաստանի Հանրապետության շրջակա միջավայրի նախարարի հրամանով հաստատված մուտքի և ելքի տեղամասերից դուրս տարածքներից,
Հայաստանի Հանրապետության շրջակա միջավայրի նախարարի հրամանով հաստատված ժամային գրաֆիկից դուրս ժամանակահատվածում:
Վերոնշյալ պահանջների խախտումն առաջացնում է օրենքով սահմանված վարչական կամ քրեական պատասխանատվություն։
Պատկերասրահ
