Շարունակվում են աշխատանքային հանդիպում-քննարկումները Էկոպարեկային ծառայության մարզային վարչության անձնակազմերի հետ
ՇՄՆ էկոպարեկային ծառայության պետ Վլադիմիր Կիրակոսյանի գլխավորած աշխատանքային խումբը շարունակում է աշխատանքային հանդիպում-քննարկումները Ծառայության մարզային վարչության անձնակազմերի հետ:
Երևան քաղաքի և Արմավիրի մարզային վարչության պահպանություն իրականացնող անձանակազմի հետ հանդիպման մեկնարկին Կիրակոսյանն ընդգծել է, որ շարունակական այցեր է կատարելու Ծառայության մարզային վարչություններ՝ ընդգրկուն քննարկում ծավալելու տեղամասերի բոլոր աշխատակիցների հետ և լսելու նրանց կողմից բարձրաձայնված խնդիրները:
Ծառայության ղեկավարը վստահություն է հայտնել, որ մարզային վարչության լիարժեք համալրումն ու տեխնիկական վերազինումը հնարավորություն կտան առավել արդյունավետ իրականացնել պահպանության գործընթացը, ապա արժևորելով էկոպարեկային ծառայողի աշխատանքը, նշել է, որ բացի պատասխանատու և չափազանց կարևոր աշխատանք իրականացնելուց այն անձինք, ովքեր անցնում են աշխատանքի Ծառայությունում, ունենում են հետաքրքիր ու դինամիկ աշխատանք՝ գրավիչ աշխատավարձով և սոցիալական երաշխիքներով:
Կիրակոսյանը ներկաներին տեղեկացրել է նաև, որ առաջիկայում նախատեսվում է ավելացնել կրտսեր էկոպարեկների հաստիքների թվաքանակը և նշել, որ այդ հաստիքների թվաքանակի ավելացումը թույլ կտա պահպանության ոլորտի բազմամյա աշխատանքային փորձով, բայց ոչ բարձրագույն կրթությամբ աշխատակիցներին շարունակել իրենց աշխատանքը:
Հանդիպան ավարտին հարց ու պատասխանի ձևաչափով ներկայացվել են աշխատանքային գործունեության ընթացքում գույքագրված խնդիրները, քննարկվել են հնարավոր լուծումները:
Պատկերասրահ
