Վլադիմիր Կիրակոսյանի գլխավորած աշխատանքային խումբը Վայոց ձորի մարզում է
ՇՄՆ էկոպարեկային ծառայության պետ Վլադիմիր Կիրակոսյանի գլխավորած աշխատանքային խմբի մարզային հանդիպումները շարունակվում են: Հաջորդ կանգառը Վայոց ձորի մարզի Եղեգնաձոր քաղաքն էր, որտեղ աշխատանքային հանդիպում-քննարկումներ են տեղի ունեցել Ծառայության Վայոց ձորի և Արարատի մարզային վարչության Վայոց ձորի տեղամասի ղեկավար կազմի և պահպանություն իրականացնող անձնակազմի հետ:
Ծառայության ղեկավարը հանդիպման մեկնարկին ներկաներին տեղեկացրել է, որ նմանօրինակ հանդիպումների առանցքում տեղամասի աշխատակիցների կողմից իրենց աշխատանքային գործունեության ընթացքում գույքագրված խնդիրներին անձամբ տեղում ծանոթանալն է, հնարավոր լուծումներ մատնանշելը: Ծառայության պետը նշել է նաև, որ մարզային վարչության ամբողջական համալրման աշխատանքները նախատեսվում է ավարտել 2026 թվականի ավարտին: Նա նաև ասել է, որ նախատեսվում է հաստիքային որոշակի փոփոխություններով ավելացնել կրտսեր էկոպարեկի հաստիքների թվաքանակը՝ նպատակ ունենալով պահպանության ոլորտի բազմամյա աշխատանքային փորձով աշխատակիցներին հնարավորություն տալ շարունակել աշխատել, հետո նաև ցանկության և հնարավորություն դեպքում էլ նախաձեռնողականություն ցուցաբերեն բարձրագույն կրթություն ստանալու հարցում:
իրակոսյանը, անդրադառնալով տվյալ տարածաշրջանի առանձնահատկություններին, գոհունակությամբ նշել է՝ ակներև է, որ այս տարածաշրջանի անտառները լավ են պահպանված և դա այն բանի վկայությունն է, որ ծառայողները լավ են գիտակցում իրենց ստանձնած գործի կարևորությունը և իրենց աշխատանքի նկատմամբ պատասխանատու վերաբերմունք են ցուցաբերում:
Ծառայության պետն ասել է նաև, որ անտառների և բնության հատուկ պահպանվող տարածքների պահպանությունը ոչ միայն պատասխանատու և դժվար աշխատանք է, այլև պատվաբեր, ուստի այն սիրով և հպարտությամբ պետք է կատարի յուրաքանչյուր ծառայող: Նա շեշտել է նաև, որ ուշադրություն պետք է դարձնել պահպանվող տարածքների մաքրությանը և պարբերական շաբաթօրյակներ կազմակերպել:
Հաջորդիվ հարց ու պատասխանի ձևաչափով ներկայացվել են աշխատանքային գործունեության ընթացքում գույքագրված խնդիրները, քննարկվել են հնարավոր լուծումները:
Պատկերասրահ
