Վլադիմիր Կիրակոսյանը շնորհավորական ուղերձ է հղել Փրկարարի օրվա կապակցությամբ
ՇՄՆ էկոպարեկային ծառայության պետ Վլադիմիր Կիրակոսյանը շնորհավորական ուղերձ է հղել Փրկարարի օրվա կապակցությամբ: Ուղերձում մասնավորապես ասված է.
«Սիրելի՛ փրկարարներ,
Շնորհավորում եմ բոլորիդ Փրկարարի օրվա կապակցությամբ։
Ձեր անձնվեր և պատասխանատու ծառայությունը մշտապես ապահովում է մեր երկրի քաղաքացիների, բնության և հասարակության անվտանգությունը։
Բարձր ենք գնահատում ՆԳՆ փրկարար ծառայության հետ համագործակցությունը։ Անտառային հրդեհների կանխարգելման, աղետների հետևանքների հաղթահարման և արտակարգ իրավիճակներում արդյունավետ արձագանքման համատեղ ջանքերը վկայում են, որ համակարգված աշխատանքով հնարավոր է ամրապնդել հանրային անվտանգությունը և պաշտպանել մեր բնությունը։
Էկոպարեկային ծառայության անունից վերահաստատում ենք պատրաստակամությունը՝ շարունակելու խորացնել միջգերատեսչական համագործակցությունը և համատեղ ապահովել մեր հայրենիքի անվտանգությունն ու կայուն զարգացումը»: