Վլադիմիր Կիրակոսյանը շնորհավորական ուղերձ է հղել Ուսուցչի օրվա առիթով
ՇՄՆ էկոպարեկային ծառայության պետ Վլադիմիր Կիրակոսյանը շնորհավորական ուղերձ է հղել Ուսուցչի օրվա առիթով, որում մասնավորապես ասված է.
«Հարգելի´ ուսուցիչներ,
Հղում եմ շնորհավորանքս մասնագիտական տոնի՝ Ուսուցչի օրվա կապակցությամբ։
Ձեր աշխատանքը կարևոր ու պատասխանատու առաքելություն է, որը ձևավորում է գրագետ մտածողությամբ և հայրենասիրությամբ զինված սերունդ։ Դուք սերմանում եք գիտելիք, ձևավորում արժեքային համակարգեր, սեր դեպի հայրենիքն ու բնությունը և, ի թիվս այլ կարևոր գործառույթների, նպաստում նաև բնապահպանական գիտելիքների ու էկոլոգիական մտածողության ձևավորմանը։
Այսօր, երբ բնապահպանական խնդիրները դարձել են ժամանակի հրամայական և կանգնած են համաշխարհային օրակարգի առաջնագծում, ձեր դերն առանձնակի նշանակություն է ստանում․ դուք եք նոր սերնդին սովորեցնում գնահատել շրջակա միջավայրը, հարգել բնությունը և գիտակցաբար ու պատասխանատվությամբ վերաբերվել դրա պահպանությանը։
Շրջակա միջավայրի նախարարության Էկոպարեկային ծառայությունը բարձր է գնահատում ուսուցիչների ներդրումը էկոլոգիական կրթության և բնապահպանական մտածողության ձևավորման գործում։ Մեր առաքելությունները փոխկապակցված են․ թե՛ դուք, թե՛ մենք ծառայում ենք նույն նպատակին՝ գիտելիքով և պատասխանատվությամբ առաջնորդվող հասարակության կերտմանը։
Մաղթում եմ ձեզ նոր հաջողություններ, անսպառ եռանդ և մշտապես ստեղծագործ մոտեցում ձեր բարդ ու պատվաբեր գործում»: