Ընդլայնված աշխատանքային խորհրդակցություն-քննարկում Լոռու մարզային վարչության Տաշիրի անձնակազմի հետ
ՇՄՆ էկոպարեկային ծառայության պետ Վլադիմիր Կիրակոսյանի գլխավորած աշխատանքային խումբը Լոռու մարզի Տաշիր քաղաքում անցկացրել է ընդլայնված աշխատանքային խորհրդակցություն-քննարկում Լոռու մարզային վարչության Տաշիրի անձնակազմի հետ:
Հանդիպման մեկնարկին Ծառայության ղեկավարը ընդգծել է, որ չափազանց կարևորում է մարզային այցելությունները և նմանօրինակ քննարկումները, քանի որ այդ ընթացքում հնարավորություն է ընձեռվում հենց տեղում տեղամասի աշխատակիցների կողմից իրենց աշխատանքային գործունեության ընթացքում գույքագրված խնդիրներին խորքային ծանոթանալ, հնարավոր լուծումներ գտնել:
Կիրակոսյանը նշել է, որ Լոռու մարզային վարչության համալրման և պաշտոնական գործարկման աշխատանքները նախատեսվում է մեկնարկել 2026 թվականի առաջին եռամսյակին։ Ծառայության պետն արժևորել է նաև էկոպարեկային ծառայողի աշխատանքը և նշել, որ բացի պատասխանատու և չափազանց կարևոր աշխատանք իրականացնելուց այն անձինք, ովքեր անցնում են աշխատանքի Ծառայությունում, ունենում են հետաքրքիր ու դինամիկ աշխատանք՝ գրավիչ աշխատավարձով և սոցիալական երաշխիքներով:
Կիրակոսյանը ներկաներին տեղեկացրել է նաև, որ առաջիկայում նախատեսվում է ավելացնել կրտսեր էկոպարեկների հաստիքների թվաքանակը և նշել, որ այդ հաստիքների թվաքանակի ավելացումը թույլ պահպանության ոլորտի բազմամյա աշխատանքային փորձով, բայց ոչ բարձրագույն կրթությամբ աշխատակիցներին շարունակել իրենց աշխատանքը:
Հաջորդիվ Կիրակոսյանը նշել է, որ անտառների և բնության հատուկ պահպանվող տարածքների պահպանություն իրականացնողներն ապագա սերունդներին առողջ բնություն, հարուստ կենսաբազմազանություն և ավելի լավ շրջակա միջավայր փոխանցելու կարևորագույն առաքելություն ունեն և հավելել, որ ուշադրություն պետք է դարձնել նաև պահպանվող տարածքների մաքրությանը և պարբերական շաբաթօրյակներ կազմակերպել:
Հանդիպում-քննարկման ավարտին հարց ու պատասխանի ձևաչափով ներկայացվել են աշխատանքային գործունեության ընթացքում գույքագրված խնդիրները, քննարկվել են հնարավոր լուծումները:
Պատկերասրահ
