Էկոպարեկային ծառայությունը (այսուհետ՝ Ծառայություն) հայտարարում է արտաքին մրցույթ՝ ծառայության ներքին անվտանգության վարչության օպերատիվ կառավարման և տեղեկատվական անվտանգության բաժնի պետի (ծածակագիրը՝ 15-1ԷՊԾ-27.1-Բ2-3) թափուր պաշտոնը զբաղեցնելու համար

Էկոպարեկային ծառայության ներքին անվտանգության վարչության օպերատիվ կառավարման և տեղեկատվական անվտանգության բաժնի պետի (ծածակագիրը՝ 15-1ԷՊԾ-27.1-Բ2-3) պաշտոնը կարող են զբաղեցնել հայերենին տիրապետող, 18 տարին լրացած Հայաստանի Հանրապետության քաղաքացիները, որոնք անցել են պարտադիր զինվորական ծառայություն (բացառությամբ իգական սեռի, ինչպես նաև այն քաղաքացիների, որոնք օրենքով նախատեսված կարգով և հիմքով ազատվել են պարտադիր զինվորական ծառայությունից) և բավարարում են պաշտոնի անձնագրով պաշտոնին ներկայացվող պահանջներին:
Պաշտոնի բնութագրի, պաշտոնն զբաղեցնող ծառայողի համար սահմանված իրավունքների, պարտականությունների, պաշտոնին ներկայացվող պահանջների՝ պաշտոնի համար պահանջվող կրթության, աշխատանքային ստաժի, մասնագիտական գիտելիքների, կոմպետենցիաների, ինչպես նաև աշխատանքի կազմակերպական լիազորությունների և ղեկավարման շրջանակների մասին տեղեկատվությունը ներառված է պաշտոնի անձնագրում, որի էլեկտրոնային օրինակը կցվում է:

Մրցույթին մասնակցելու համար քաղաքացիները [email protected] էլեկտրոնային փոստի հասցեին ներկայացնում են՝
1) դիմում՝ (կցվում է):
2) պաշտոնը զբաղեցնելու համար բարձրագույն կրթության կամ անհրաժեշտ որակավորման մասին վկայականի (վկայականների) լուսապատճեն (լուսապատճեններ).
3) արական սեռի անձինք ներկայացնում են նաև զինվորական գրքույկի կամ դրան փոխարինող ժամանակավոր և զորակոչային տեղամասին կցագրման վկայականի կամ համապատասխան տեղեկանքի լուսապատճեն.
4) մեկ լուսանկար` 3x4 սմ չափի.
5) անձնագրի կամ նույնականացման քարտի լուսապատճեն.
6) անձնագիր ներկայացնելու պարագայում հանրային ծառայությունների համարանիշի (կամ սոցիալական քարտի կամ անձին հանրային ծառայությունների համարանիշ տրամադրելու մասին տեղեկանքի կամ հանրային ծառայությունների համարանիշ չստանալու վերաբերյալ տեղեկանքի) լուսապատճեն.
7) աշխատանքային գործունեությունը հավաստող փաստաթղթի (փաստաթղթերի) լուսապատճեն, անհրաժեշտության դեպքում՝ գործատուի և աշխատողի համաձայնությամբ անհատական (անձնավորված) հաշվառման համակարգի տեղեկատվական բազայում առկա տվյալները ներառող տեղեկանքի լուսապատճեն՝ նախկին աշխատանքային գործունեության վերաբերյալ։

Մրցույթն անցկացվելու է հարցազրույցի միջոցով:

Հանձնաժողովը, յուրաքանչյուր մասնակցի հետ մրցույթից առաջ, համակարգչում նախօրոք զետեղված հարցերից պատահական ընտրությամբ ընտրում է հարցեր և կազմում հարցատոմս հետևյալ չափաբաժիններով՝
1) կոմպետենցիաներ՝ 20 տոկոս.
2) ծառայության վերաբերյալ օրենսդրության բնագավառ՝ 30 տոկոս.
3) օպերատիվ-հետախուզական գործունեության վերաբերյալ օրենսդրության բնագավառ՝ 30 տոկոս.
4) անձնային որակների ստուգմանն ուղղված հարցեր՝ 20 տոկոս։

Հարցազույցի հարցատոմսի հարցերը բխում են հետևյալ իրավական ակտերի շրջանակից՝

ՀՀ Սահմանադրություն
ՀՀ անտառային օրենսգիրք
ՀՀ քրեական օրենսգիրք
ՀՀ քրեական դատավարության օրենսգիրք
«Քաղաքացիական ծառայության մասին» օրենք
«Հանրային ծառայության մասին» օրենք
«Էկոպարեկային ծառայության մասին» օրենք
«Օպերատիվ հետախուզական գործունեության մասին» օրենք

Մրցույթն անցկացվելու է 2025 թվականի ապրիլի 2-ին՝ ժամը 14։00-ին, ՀՀ, ք․ Երևան, Արմենակյան 129 հասցեում։

Հիմնական աշխատավարձը 475072 ՀՀ դրամ է:

Աշխատաժամանակի տևողությունը՝ հնգօրյա աշխատանքային շաբաթ։

Փաստաթղթերի ընդունման վերջնաժամկետն է 2025 թվականի մարտի 19-ը ներառյալ:

Լրացուցիչ հարցերի դեպքում կարող եք զանգահարել Ծառայության անձնակազմի կառավարման բաժին՝ 010304509 հեռախոսահամարով (հասցե՝ ք․ Երևան, Արմենակյան 129)։