Հայտարարություն
Էկոպարեկային ծառայությունը հայտարարում է արտաքին մրցույթ՝ քաղաքացիական ծառայության թափուր պաշտոն զբաղեցնելու համար

Էկոպարեկային ծառայությունը հայտարարում է արտաքին մրցույթ՝ Ծրագրերի ապահովման բաժնի պետի (ծածկագիրը`   15-1-28.10-Ղ4-1) քաղաքացիական ծառայության թափուր պաշտոն զբաղեցնելու համար:
Արտաքին մրցույթին կարող են մասնակցել Հայաստանի Հանրապետության քաղաքացիները:
Ծրագրերի ապահովման բաժնի պետի (ծածկագիրը`   15-1-28.10-Ղ4-1) պաշտոնի բնութագրի, պաշտոնն զբաղեցնող քաղաքացիական ծառայողի համար սահմանված գործառույթների, իրավունքների, պարտականությունների, պաշտոնին ներկայացվող պահանջների՝ պաշտոնի համար պահանջվող կրթության, աշխատանքային ստաժի, աշխատանքի բնագավառում փորձի, մասնագիտական գիտելիքների, կոմպետենցիաների, ինչպես նաև պաշտոնի կազմակերպական լիազորությունների և ղեկավարման շրջանակների մասին տեղեկատվությունը ներառված է պաշտոնի անձնագրում, որի էլեկտրոնային օրինակը կցվում է:
Ծրագրերի ապահովման բաժնի պետի (ծածկագիրը`   15-1-28.10-Ղ4-1) քաղաքացիական ծառայության թափուր պաշտոնն զբաղեցնելու համար անցկացվող մրցույթին մասնակցելու համար անհրաժեշտ է ներկայացնել հետևյալ փաստաթղթերը՝
1. դիմում (առցանց).
2. անձնագիր և/կամ նույնականացման քարտի լուսապատճենը (եթե անձը նույնականացման կամ սոցիալական քարտ չի կցում, ապա անհրաժեշտ է կցել անձին հանրային ծառայության համարանիշ տրամադրելու մասին տեղեկանքի կամ հանրային ծառայության համարանիշի տրամադրումից հրաժարվելու մասին տեղեկանքի լուսապատճենը).
3. բարձրագույն մասնագիտական կրթությունը հավաստող փաստաթղթի(երի) լուսապատճեն(ներ)ը.
4. աշխատանքային գրքույկի (գրքույկի բացակայության դեպքում աշխատանքային գործունեության վերաբերյալ տեղեկանք(ներ) կամ այլ փաստաթուղթ(եր) համապատասխան մարմնից(ներից)՝ ըստ պաշտոնների) լուսապատճեն(ներ)ը.
5. արական սեռի անձինք՝ զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի լուսապատճենը.
6. մեկ լուսանկար՝ 3x4 չափսի.

Մրցույթին մասնակցելու համար դիմումներն ընդունվում են 2025 թվականի փետրվարի 19-ը՝ ժամը 24։00-ը ներառյալ: Մրցույթին մասնակցելու համար դիմումները ներկայացվում են քսանչորսժամյա ռեժիմով:

Հիշեցում՝ մրցույթի մասնակցի մուտքը թեստավորման սենյակ դադարեցվում է թեստավորումը սկսելուց 15 րոպե առաջ:

Մրցույթի թեստավորման փուլը կանցկացվի 2025 թվականի մարտի 17-ին՝ ժամը 11։00-ին, Էկոպարեկային ծառայության վարչական շենքում (հասցե՝ ք.Երևան, Արմենակյան 129, 3-րդ հարկ):

Մրցույթի հարցազրույցի փուլը կանցկացվի 2025 թվականի մարտի 19-ին՝ ժամը 11։00-ին, Էկոպարեկային ծառայության վարչական շենքում (հասցե՝ ք.Երևան, Արմենակյան 129, 3-րդ հարկ):

Մրցույթի հարցազրույցի փուլը կանցկացվի «Հարցարան» ձևաչափով։

Հիմնական աշխատավարձը 322.816 (երեք հարյուր քսաներկու հազար ութ հարյուր տասնվեց) ՀՀ դրամ է։

Նշված պաշտոնին հավակնող անձը պետք է լինի բարեկիրթ, պարտաճանաչ, հավասարակշռված, գործնական, ունենա նախաձեռնողականություն և պատասխանատվության զգացում։
Թեստում ընդգրկվող մասնագիտական գիտելիքների վերաբերյալ թեստային առաջադրանքները կազմված են հետևյալ բնագավառներից՝

«Դիվանագիտական ծառայության մասին» օրենք, հոդվածներ՝ 8, 10, 11, 14, 15, 17, 48
«Կառավարության կառուցվածքի և գործունեության մասին» ՀՀ օրենք. հոդվածներ՝ 2, 4, 6, 7, 10, 11, 15
«Քաղաքացիական ծառայության մասին» ՀՀ օրենք. հոդվածներ՝ 9, 10, 13, 14, 16, 17, 18, 19, 20
«Միջազգային պայմանագրերի մասին» ՀՀ օրենք հոդվածներ՝ 24, 18, 16, 10, 9, 2, 12
Ինֆորմատիկա 7-րդ դասարան,
«Գրավոր խոսք». էջեր՝ 74, 94, 245, 246, 247, 248, 250
«Հանրային ծառայության մասին» ՀՀ օրենք.հոդվածներ՝ 1, 31, 9, 4, 6, 17, 53, 14
ՀՀ Սահմանադրություն.հոդվածներ՝ 2, 4, 164, 8, 90, 94, 93, 122, 125
«Էկոպարեկային ծառայության մասին» ՀՀ օրենք. հոդվածներ 25, 33, 34
Թեստում ընդգրկվող կոմպետենցիաների վերաբերյալ թեստային առաջադրանքները կազմված են տվյալ պաշտոնի համար սահմանված և Հայաստանի Հանրապետության կառավարության պաշտոնական ինտերնետային կայքէջում՝ https://www.gov.am/am/announcements/item/346/ հրապարակված ընդհանրական կոմպետենցիաներից, մասնավորապես՝

Խնդրի լուծում
Բարեվարքություն
Որոշումների կայացում
Աշխատակազմի կառավարում

Մրցույթին մասնակցել ցանկացող քաղաքացիները մրցույթի վերաբերյալ հարցերի և լրացուցիչ տեղեկությունների համար կարող են դիմել Էկոպարեկային ծառայության անձնակազմի կառավարման բաժին՝ 010-30-45-09 հեռախոսահամարով կամ [email protected] էլեկտրոնային հասցեով: