Աշխատանքային քննարկում ազգային ժողովում

Անտառային կոմիտեի նախագահ Վլադիմիր Կիրակոսյանն այսօր Ազգային ժողովի տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հանձնաժողովում մասնակցել է շրջակա միջավայրի ոլորտի մի շարք օրենսդրական նախաձեռնություններին վերաբերող աշխատանքային քննարկումների:

Մասնավորապես քննարկվել են

«Շրջակա միջավայրի պահպանության ծառայության մասին», հարակից օրենքների նախագծերի և «Առևտրի և ծառայությունների մասին» օրենքի նախագծերը:

Քննարկմանը մասնակցել են հանձնաժողովի նախագահ Վահե Ղալումյանը, հանձնաժողովի անդամ Դավիթ Դանիելյանը, Անտառային կոմիտեի գլխավոր քարտուղար Լուսինե Ալեքսանյանը և Շրջակա միջավայրի նախարարության ռազմավարական քաղաքականության վարչության պետ Լուսինե Ավետիսյանը: